Gáldokritihkka

Gáldokritihkka

Oahpásmahttin

Gáldokritihkka

Go geahčat ođđasiid TV:s dahje logat juoidá áviissas, de jáhkát sihkkarit ahte dat mii daddjo dahje čállojuvvo lea duohta. Jus Interneahtas oainnát juoidá, de soaittát maiddái doaivut ahte lea duohta dat diehtu mii doppe lea. Muhto ii nu leat álot. Buot áviissain ja TV- kanálain lea ovddasvástádus dasa ahte visot mii deaddiluvvo ja sáddejuvvo lea riekta, ja dávjá lea redaktevra mas lea ovddasvástádus dasa. Jus sii diehtomielalaččat muitalit juoidá maid dihtet ahte lea boastut, de sáhttet sii ráŋggáštuvvot.

Dihtet go ahte?

  • Fákta

      • Geavat iežat oaivefiltara
      • Unna spiovnnaš
      • Spealut sáhttet leat hirbmat divrasat
      • Dahkkivuoigatvuohta
      • Gos gávdnet dan?
      • Máinnusliŋkkat - Adlinks
      • Appat dárbbašit dieđuid du birra

    Vižžojuvvon duohtavuođas

    • 8- jahkásaš geavahii 29.000 ru iPad- spealus
    • Spealuin dievva máidnosat
    • Diktá Google bargat leavssuid
    • Almmustahtii veariduvvon hirbmat stuora háia
    • Oaččui sms behtolaš áhčis

Bargobihtát

Digaštallan

  1. Lea dehálaš leat kritihkalaš dasa maid gávdnabehtet neahtas. Ii leat sihkkar ahte buot mii doppe čuožžu lea duohta. - Oza muhtun dovddus namaid neahtas. Gávdnabehtet go dakkár dieđuid maid ehpet jáhke leat duođat? - Mot sáhttibehtet diehtit makkár dieđuide galgabehtet jáhkkit ja ehpet galgga jáhkkit? - Leatgo muhtun neahttasiiddut maidda sáhttibehtet eambbo luohttit go earáide? Manne/manne ii? - Jáhkkibehtet go visot mii skuvlagirjerádjosa girjjiin čuožžu? - Jáhkkibehtet go ahte din oahpaheaddji diehtá visot? - Mot dii sáhttibehtet diehtit makkár dieđuide sáhttibehtet luohttit? - Ráhkat iskanlisttu mas leat buorit ráđit maid sáhttibehtet geavahit go neahtas ohcabehtet dieđuid.
  2. Sáhttet leat erohusat skuvllas skuvlii, ja luohkás luohkkái, das makkár njuolggadusat dain leat geavahit skuvlabargui Interneahta. - Iskka leatgo skuvllas/luohkás njuolggadusat dasa mot dii galgabehtet dakkár dieđuid geavahit. - Mot galgá oahpaheaddji diehtit maid dii ieža lehpet čállán ja maid Interneahtas lehpet gávdnan? - Ráhkat evttohusaid njuolggadusaide.
  3. Sihke neahttabáikkit ja bloggarat sáhttet dinet ruđa máidnosiin. - Maná muhtun neahttabáikkiide masa dii din luohkás geavahehpet eanemus áiggi astoáiggis: - Gávdnabehtet go máidnosiid doppe? - Válljebehtet vihtta máidnosa neahttabáikkiin ja digaštallabehtet daid sisdoalu birra. - Makkár váikkuhangaskaomiid leat sii geavahan? - Leago áibbas čielggas ahte dát leat máidnosat? - Leago máidnosis doarvái buorre diehtu buktaga birra? - Maná muhtun dain eanemus bivnnuhis bloggaide ja oza máksojuvvon almmuhemiid. - mot lea dat merkejuvvon? - Leago čielggas ahte dat lea máinnus?

Bargobihtát

Iežas bargobihtát

  1. Don it soaitte álot jurddašit ge, muhto sihke áviissain maid logat ja neahtas leat vaikko man ollu máidnosat. - Leatgo vásihan muosehuhttis máidnosiid go leat mátketelefovnnas dahje neahtas? - Man dihte don jáhkát máidnosat geavahuvvojit ná? - Dieđát go muhtun neahttasiidduid birra main spealut leat ráhkaduvvon fitnodagain mat háliidit vuovdit muhtun buktaga? Makkár?
  2. Oallugat máinnustit ahte don sáhtát máksit telefovnna dahje Interneahta badjel dan maid oastát. - Jáhkát go dáinna lágiin ahte olbmot ostet eambbo go dalle jus sii reaidaruđain livčče njuolga máksán? -Leatgo don goassege oastán dahje máksán juoidá mátketelefovnna bokte? Ožžot go don dan maid galget? - Leatgo goassege geavahan ruđaid mátketelefovnnas dahje neahtas nu ahte it ieš ge diehtán dan? Jus leat, mot de leat dahkan dan?
  3. Dahkkivuoigatvuohta lea dehálaš vuoigatvuohta. - Gávnna maid sátni dahkkivuoigatvuohta mearkkaša? - Manin lea dehálaš ahte leat njuolggadusat dan birra? - Leatgo don goassege viežžan musihka dahje filmma Interneahtas? - Mákset go don dan ovddas go vižžet dan? - Juogadit go maŋŋel earáiguin dan musihka dahje filmma?

Filmmat

Skrev du stil om DEN hesten der?

Du glemte kanskje å sjekke hvem som hadde lagt det ut, og vips så hadde du levert inn noe som var helt på trynet? Kanskje ikke så rart at de andre lo av deg, men hva kan du gjøre for å unngå det neste gang? Tenk deg om – det er du som må skille fleip fra fakta på nettet ! Filmen er laget av Mikrofilm.

Hva er digital dømmekraft?

Digital dømmekraft er et begrep som ofte dukker opp, både her på Dubestemmer.no, i læreplanverket og andre steder. Men hva er egentlig digital dømmekraft, og hvorfor trenger vi det? Denne korte filmen er laget av Sølvsuper på oppdrag fra dubestemmer.no.
Gáldokritihkka

Go geahčat ođđasiid TV:s dahje logat juoidá áviissas, de jáhkát sihkkarit ahte dat mii daddjo dahje čállojuvvo lea duohta. Jus Interneahtas oainnát juoidá, de soaittát maiddái doaivut ahte lea duohta dat diehtu mii doppe lea. Muhto ii nu leat álot. Buot áviissain ja TV- kanálain lea ovddasvástádus dasa ahte visot mii deaddiluvvo ja sáddejuvvo lea riekta, ja dávjá lea redaktevra mas lea ovddasvástádus dasa. Jus sii diehtomielalaččat muitalit juoidá maid dihtet ahte lea boastut, de sáhttet sii ráŋggáštuvvot.

Illustrasjon kildekritikk 9-13 år