AAA

Vearreidentitehta

GO RÁHKADAT PROFIILLA neahttaservodahkii dahje chattenjovkui, de sáhtát rievtti mielde ieš mearridit geanin háliidat. Olusat geahččaladdet iešguđetlágan identitehtaiguin ja geavahit Interneahta iskkadit beliid alddis maid eai dáidde duostat čájehit “duohta” máilmmis.

Gávdnojit dattetge maiddái geavaheaddjit geat hutket vearreprofiillaid dájuhan dihtii earáid, ovdamearkka dihtii ollesolbmot geat dadjet iežaset leat nuorra olmmožin, oččodit oktavuođa olbmuiguin geaid sáhtášii veagalváldit.

Grooming lea go hukse luohttevašvuođa mánnái geavahan dihtii máná seksuálalaččat. Lea ráŋggáštusášši jus ollesolmmoš šiehtada deaivvadit mánáin anašin dihtii suinna.

Rød knapp til Kripos

2008’ čavčča almmuhii Kripos “rukses boalu” Interneahtas. Dáinna boaluin lea vejolaš dieđihit sávakeahtes láhttema birra Interneahtas. Ovdamearkan sáhttá leat jus muhtin vihku muhtima geavaheamen vearreidentitehta oččodit seksuála oktavuođa mánáiguin.

Soaitá leat mánáide ja nuoraide váttis iehčanassii áddet Kriposa cavgilanskovi, ja sii ávžžuhuvvojit danin jearrat veahki ollesolbmos geasa luhttet, jus vásihežžet unohasvuođaid neahtas.

Dihtetgo ahte?

8- ja 18- jahkásaš nuoraid gaskkas lohket 38 proseantta vásihan ahte amas olbmot Interneahtas leat jearran sis dieđuid nugo govaid, telefovdnanummira, čujuhusa dahje sullasaččaid. Dát geavvá dávjjit mađi boarrásat šaddet, ja mađi eanet sii leat Interneahtas.

60 proseantta 17–18-jahkásaččain dadjet dán dáhpáhuvvan, ja mánáin nuorat go 12 jagi leat 21 proseantta ožžon diekkár jearaldagaid.

Dušše 3 proseantta lohke iežaset addán buot dieđuid maid jearahedje.

Gáldu: Trygg bruk-undersøkelsen 2008 (Mediabearráigeahčču)

Bestill klassesett