Personsuodjalusjulggaštus

Ovddasvástádus

Senter for IKT i utdanningen doaimmaha dán neahttasiiddu, ja das lea ovddasvástádus viežžat ja geavahit persondieđuid mat dahkkojit dubestemmer.no doaimma ja bajásdoallama olis. Relevánta dieđut juogaduvvojit min ovttasbargoguimmiin Diehtobearráigeahčuin. Redpill Linpro-fitnodat lea min neahttasiiddu teknihkalaš doaimma ja bajásdoallama lágideaddji.

Ohcan

Dubestemmer.no vurke dieđuid das maid ohcansániid ja faseahtaid geavaheaddjit geavahit siskkáldasohcamis. Ulbmil dáinna lea buoridit min diehtofálaldaga go mii earret eará oaidnit mat ohcansánit adde gávdnosiid, mat ohcansánit eai atte gávdnosiid, ja maid ohcanbohtosiid coahkkalit.

Ohcamiid geavahusminsttar vurkejuvvo sierra diehtovuđđui. Ohcansánit, ohcanfiltarat, gávnnuslisttut, áigemuttut ja coahkkaleamit vurkejuvvojit. Dieđuid ii sáhte čatnat geavaheddjiid eará dieđuide, nugo IP-čujuhussii.

Webanalysa

Vai sáhttit dahkat dubestemmer.no nu buorren go vejolaš, de mii geavahat statistihka analyseret neahttabáikki geavaheami. Dán láhkai mii sáhttit buoridit ja ovdánahttit neahttabáikki ja maiddái divvut boasttuvuođaid.

Mii viežžat dubestemmer.no dábálaš galledanstatistihka. Geavahat Google Analytics analysareaidun. Reaidu addá midjiide dieđuid earret eará das man gallis galledit neahttabáikki, maid siidduid galledit eanemusat, man guhká galledeapmi bistá, maid neahttaloganiid geavahit ja main neahttabáikkiin bohtet galledeaddjit. Ii oktage dáin dieđuin geavahuvvo identifiseret ovttaskasolbmuid. Diehtočoahkut ja statistihkka geavahuvvojit dušše dubestemmer.no doaimma ja ovdánahttima olis.

Dieđut anonymiserejuvvojit, eai ge geavahuvvo masa ge eará go webanalysii.

Diehtočoahkut

Dubestemmer.no geavaha diehtočoahkuid (cookies). Eanaš neahttaloganat leat biddjon nu ahte dohkkehit diehtočoahkuid. Sáhtát giddet eret diehtočoahkuid, dahje jo galgá dutnje dieđihuvvot go diehtočoahkku vurkejuvvo du dihtorii. Eanet dieđuid dás gávnnat iežat neahttalogana veahkkefunkšuvnnas.

Dubestemmer.no:s leat dát diehtočoahkut:

1.Javascript: Diehtočoahkku has_js muitala lea go geavaheaddjis javascript alde vai ii. Dat ii sisttisdoala persovnnalaš dieđuid, ja bistá dušše galledanbotta.

2.Ohcan: Diehtočoahkku solrSearchSession lea anonyma sešuvdnaidentifikáhtor mii vurkejuvvo ovttas juohke ohcamiin mii dáhpáhuvvá dubestemmer.no:s. Eai mat ge persovnnalaš dieđut vurkejuvvo. Sihkkojuvvojit 30 beaivvi maŋŋá.

3.Webanalysa: Diehtočoahkut __utma, __utmb, __utmc ja __utmz geavahuvvojit webanalysii (Google Analytics). "Utma" čájeha juohke galledeaddji, "utmb" ja "utmc" čájehit geavaheaddjisešuvnnaid. "Utmz" čájeha gos johtolat boahtá. Čoahkut bistet 2 jagi (utma), 30 minuhta (utmb) ja 6 mánu (utmc), ja utmz ges bistá dušše du galledanbotta.

Olgguldas liŋkkat

Liŋkkat dubestemmer.no:s sáhttet doalvut du viidáseappot eará neahttasiidduide. Mii fuomášuhttit ahte dáin neahttabáikkiin sáhttet leat eará personsuodjalusnjuolggadusat go dat maid leat almmuhan dás.

Oahppoávdnasiid diŋgon

Dubestemmer.no:s sáhttá diŋgot bagadusávdnasiid go almmuhat earret eará doaimma, nama, e-poastta ja poastačujuhusa. Diŋgondieđuid addit lágideaddjái ILAS:i mii sádde ávdnasiid Du bestemmer ovddas. Persondieđut maid oažžut oahppoávdnasiid diŋgojumiid olis, eai geavahuvvo eará áššiide go sáddet diŋgojumi.